"Leewe Thomas,
nu esset so wiet: Jetz besse Baas. Em Rothuus. Janz offezjell. Doför en oprechtije Jratelazjon.
Et kütt vill Ärbied op Dech zo. Äwwer Do bruchs nit bang dovör ze sinn. Wä sonne rakeetehafte Wahlkamp henjeläht wies Do, dä mäht dat besske Rejeere secher met de Mötz. Zomol wenn hä och wiederhen op so vill Ongerstötzong baue kann wies besher. Met Usrohe op de Lorbeere ussem Wahlkamp wöhd et äwwer nix. Doför send de Erwahdonge, die Do bei de Düsseldörper Börjer jeweckt häs, zo jroß on zo villfäldich. Wohrschinglech wöhds Do dermoße vill ze donn hann, datte nie op dr Jedanke kömms, Do kröchs Di Jehalt en en Jeschenkpackong serveeht.
De Miehheet von Düsseldörps Börjer hät Dech ehr Stemm jejäwe, weil se dat Jeföhl hadden, dat et Dech met de nüe Usrichtong von de Lokalpolletik ähns es, Thomas. Se vertraue Dech ehr schöne Stadt an. Die esset wäht, dat sech öm de Belange von Börjer us alle sozjale Schichte jekömmert wehd. Et jövt secher kinne, dä Dinn Ussach «Ehsch de Stadt – dann de Pahteie» on die angere von Dech usjesendete posetive Sichnale verjesse hät. Dat es dä Moßstab, an däm Do on Dinn Werke jemesse wehde.
Wemmer dat Tempo on de Ensatz bei Dinne Wahlkamp so e besske metjekritt hät, kunnt mr schonn Angs kreeje, dat et e besske vill wör. Deels send schonn Vermotonge laut jewohde, datte ne Dubbeljänger häs, dä a paah Opjawe för Dech afsloveeht hät. Äwwer dat es secher nit eso. Op sonn Idee es nor de dolle Saddam Hussain jekomme. Deswäje, leewe Thomas, passens jot op, dat de Kähz nit an beede Sidde brenne deht. Wennste dobei nämmech op de Nos fälls, hät kinne wat dovon. Wäder Dinne Huushaltsvörstand, noch de Blare, noch all de angere Düsseldörper. Mer all wönsche Dech von Hähze och dat notswendije Quäntche Fortüne för Dinn Ärbied on so vill Erfolch, datte bei Dinn Widderwahl sojah noch Zimmermänns Dänny us Monnem henger Dech lötts.
Jlöck op!
Dinne
Charle-Manes
PS:
Mondaht-Mails künne von de Amis nit jeläse wehde." *
nu esset so wiet: Jetz besse Baas. Em Rothuus. Janz offezjell. Doför en oprechtije Jratelazjon.
Et kütt vill Ärbied op Dech zo. Äwwer Do bruchs nit bang dovör ze sinn. Wä sonne rakeetehafte Wahlkamp henjeläht wies Do, dä mäht dat besske Rejeere secher met de Mötz. Zomol wenn hä och wiederhen op so vill Ongerstötzong baue kann wies besher. Met Usrohe op de Lorbeere ussem Wahlkamp wöhd et äwwer nix. Doför send de Erwahdonge, die Do bei de Düsseldörper Börjer jeweckt häs, zo jroß on zo villfäldich. Wohrschinglech wöhds Do dermoße vill ze donn hann, datte nie op dr Jedanke kömms, Do kröchs Di Jehalt en en Jeschenkpackong serveeht.
De Miehheet von Düsseldörps Börjer hät Dech ehr Stemm jejäwe, weil se dat Jeföhl hadden, dat et Dech met de nüe Usrichtong von de Lokalpolletik ähns es, Thomas. Se vertraue Dech ehr schöne Stadt an. Die esset wäht, dat sech öm de Belange von Börjer us alle sozjale Schichte jekömmert wehd. Et jövt secher kinne, dä Dinn Ussach «Ehsch de Stadt – dann de Pahteie» on die angere von Dech usjesendete posetive Sichnale verjesse hät. Dat es dä Moßstab, an däm Do on Dinn Werke jemesse wehde.
Wemmer dat Tempo on de Ensatz bei Dinne Wahlkamp so e besske metjekritt hät, kunnt mr schonn Angs kreeje, dat et e besske vill wör. Deels send schonn Vermotonge laut jewohde, datte ne Dubbeljänger häs, dä a paah Opjawe för Dech afsloveeht hät. Äwwer dat es secher nit eso. Op sonn Idee es nor de dolle Saddam Hussain jekomme. Deswäje, leewe Thomas, passens jot op, dat de Kähz nit an beede Sidde brenne deht. Wennste dobei nämmech op de Nos fälls, hät kinne wat dovon. Wäder Dinne Huushaltsvörstand, noch de Blare, noch all de angere Düsseldörper. Mer all wönsche Dech von Hähze och dat notswendije Quäntche Fortüne för Dinn Ärbied on so vill Erfolch, datte bei Dinn Widderwahl sojah noch Zimmermänns Dänny us Monnem henger Dech lötts.
Jlöck op!
Dinne
Charle-Manes
PS:
Mondaht-Mails künne von de Amis nit jeläse wehde." *
Aus "Unser Veedel für Thomas Geisel" - click zur fb-Seite Foto vom OB:
* an der hochdeutschen, resp. schwäbischen Übersetzung wird noch gearbeitet ...
1 Kommentar:
Tj, wat solle mer dazu sache..Lot jon..w
Kommentar veröffentlichen